GIPAHINUMDUMAN sa mga otoridad ang mga establisemento nga gibawal pa gihapon ang mga social events ug gatherings bisan pa man og gipailawom pagbalik sa General Community Quarantine with Heightened Restrictions ang dakbayan hangtod Oktubre 31 ning tuig.

 

Atol sa inspection and monitoring operations sa Regulatory Compliance Board (RCB), gipalapdan niini ang kampanya batok sa pagtipok-tipok sama sa Social gatherings, Meetings, Incentives, Conventions, and Exhibitions events diha sa mga eligible venue establishments.

Dugang niini, gibawal usab ang ‘gatherings outside residence’ ug ang ‘gatherings in residence’ gitugotan lamang sa mga immediate family members.

 

 

Gitugotan usab ang pagtipok alang sa public services, health, ug humanitarian activities, samtang 30% capacity ang gitugot sa religious services, necrological services, funeral ug susamang panagtipok. (SPP)