World Health Organization
Department of Health 
Miabot sa 15 ka indibidwal ang naila nga high-risk close contacts sa mga bag-ong kaso sa Delta variant dinhi sa Cagayan de Oro.
Gibutyag ni Dr. Ted Yu, medical officer sa City Health Office, nga nabutang na karon sa city isolation facility ang nahisgutang mga close contacts aron dili makapanakod sa uban.
Kahinumduman nga nakatala na usab ang Cagayan de Oro og siyam ka mga bag-ong kaso sa Delta variant human migula ang positive result gikan sa Philippine Genome Center niadtong Oktubre 11.
Sa siyam ka mga kaso sa Delta variant, unom ang clinically recovered, duha ang negative sa RT-PCR ug usa ang namatay, dugtong pa ni Dr. Yu.
Ang mga nagpositibo sa batch 10 naggikan sa barangay Tignapoloan, Camaman-an, Balulang, Bulua, Consolacion ug Bonbon.
Sa datos sa City Health Office, miabot na sa 91 ang natakdan sa Delta variant, diin 81 ang clinically recovered o’ negative sa RT-PCR, walo ang namatay ug duha ang na-retagged. (IAF/CIO)
