GIPAHIGAYON niadtong Oktubre 29 sa City Price Coordinating Council (CPCC) ang usa ka surprise inspection diha sa mga groceries ug supermarkets alang sa pagsuta kung gipatuman pa sa nagkadaiyang establisemento ang Suggested Retail Price (SRP) sa mga batakang palaliton.

 

Lakip usab nga gisuta ang ‘price tag’ sa mga consumer goods kung insakto ba ang pagbutang o’ nabutangan ba kini sa presyo subay sa ‘Price Tag Policy’ nga gipatuman sa Department of Trade and Industry.

 

Gisiguro sa lokal nga kagamhanan nga maproteksyonan ang mga katungod sa mga konsumante hilabi na karon panahon sa krisis tungod sa pandemya ug mahatagan usab og silot ang mga establisemento nga masapon ug mapamatud-an nga nakalapas sa mga gabayan.

 

Gipangulohan ni Atty. Egay Uy, CPCC Co-Chairman, ang maong inspection inubanan sa DTI Provincial Office, CEED, EWTPM ug uban pang buhatan nga miyembro sa CPCC.

 

Sunod nga ipahigayon ang surprise inspection sa ‘Noche Buena’ items SRP ug ICC stickers sa mga Christmas lights mahitungod sa umaabot nga kasaulogan sa Pasko 2021. (SPP/Photos by Reynan Baylin)