MAPASALAMATON ang Cooperative Development Authority Region 10 pinangulohan ni Regional Director Aminoden Elias sa kagamhanang lokal sa Cagayan de Oro ubos sa administrasyon ni Mayor Oscar S. Moreno sa makakunayon nga pagsuporta sa nagkalain-laing programa ug kalihukan sa kooperatiba dili lang sa syudad apan sa tibuok rehiyon.

 

Matud ni Rodger Zerna, cooperative coordinator sa Community Improvement Division (CID) nga nagmalampuson ang virtual culmination activity sa Cooperative Month niadtong Oktubre 29 nga gisalmotan sa 190 cooperatives sa tibuok rehiyon.

 

Atol sa maong programa gihatagan usab sa plaque of appreciation si Mayor Moreno sa iyang hugot nga pagsuporta sa mga programa sa kooperatiba.

 

Dugang usab ni Zerna nga duna pay umaabot nga training/seminars alang sa mga transport coop sector alayon sa pagpatuman sa transport modernization program. (AGP)