Thursday, 19 March 2020 02:38

2 ka pasyente sa Severe Acute Respiratory Illness sa NMMC, nakabsan na sa kinabuhi

Written by

GIBUTYAG karong adlawa ni Dr. Jose Chan, Medical Director sa Northern Mindanao Medical Center (NMMC) nga nakabsan na sa kinabuhi ang duha ka pasyente nga adunay Severe Acute Respiratory Illness kon SARI.

Giklaro ni Dr. Chan nga gawas sa mga admitted Patient Under Investigations (PUI) alang sa COVID 19, hugot nilang gi-monitor usab kining mga SARI patients.

Kini tungod kay bisan og wala sila sa kategorya nga naka-adto sa mga lugar nga adunay kompirmadong kaso sa COVID 19, apan sila naghambin sa seryoso nga respiratory disease.

Ang nasangpit nga duha ka SARI patients pulos mga babaye.

Ang usa gi-refer ngadto sa NMMC gikan sa usa ka pribadong ospital sa Cagayan de Oro, samtang ang usa gikan sa gawas sa syudad.

Dugang pa ni Dr. Chan nga ang usa nakuhaan og 'swab sample' diin gipadala na usab kini kagahapon sakay sa military plane ngadto sa DOH- Research Institute for Tropical Medicine (RITM) alang sa confirmatory testing sa COVID -19 ug gipaabot na lang ang resulta.

 

By Archie Pagayaman
Photo by Jomar Figuracion