AGI’G pagdasig ug pagtabang sa mga buot mo-eskwela sa Cagayan de Oro Technical Vocational Institute (CDO TVI), usa ka kasabutan ang lagdaan ugma’ng adlawa, Enero 18 ni Mayor Oscar Moreno ug William T. Crisp Foundation, Inc sa Misamis Oriental 1 Rural Electric Services Cooperative (MORESCO-1).
Nalatid sa Memorandum of Agreement (MOA) nga maghatag og financial assistance ang foundation nga nagkantidad og P200,000 sa LGU-CDO alang sa pinili nga 25 ka scholars sa CDO TVI kansang barangay sakop sa MORESCO-1.
Basi sa MOA, ang mga scholars makadawat og P200 matag adlaw sulod sa training module.
Ang CDO TVI nagtanyag sa libre’ng skills training alang niadtong buot makakat-on sa mga vocational courses alang sa mas paspas nga kahigayonan sa pagpanarbaho. (ACM/CIO/Photos from CDO TVI fb page)