Gisugdan na ang pagtukod sa usa ka modular hospital nga nahimutang diha atbang sa may Center for Emerging and Re-emerging Infectious Diseases kon CEREID diha sa barangay San Simon ning syudad human ang layouting sa proyekto.

 

Sigun pa ni Mayor Oscar Moreno nga maka-akomodar sa 70 ngadto 100 ka mga pasyente ang maong modular hospital nga gastohan sa nasudnong kagamhanan pinaagi sa Department of Public Works and Highways (DPWH).

 

Mapasalamaton si Mayor Moreno sa dakong tabang ni kanhi Party-List Representative Ayi Hernandez aron magahinan og pundo sa DPWH ang maong ospital nga gilantaw’ng makatabang pag-atiman sa mga pasyente nga natakboyan sa Covid-19. (IAF/CIO/photos by Jomar Figuracion)