MAPASIGARBOHON ang LGU-CDO human nasakmit sa Out-of-School Youth Development Alliance-Cagayan De Oro City (OSYDA-CDO) ang nagkadaiyang awards atol sa ikaunang Youth Development Alliance Summit, Enero 19, nga gipahigayon sa Dusit Thani Residence-Luxury Hotel, Davao City.

 

Ang OSYDA-CDO midawat og tulo ka plaque of recognition nga gilangkoban sa Convergence Awards Strategic Direction; Trailblazer Awards Resource Generation ug Trailblazer Awards Programmatic and Operational Sustainability.

Mismo si Oro Youth Development Officer James Patrick Santos, uban ni Pag-asa Youth Association of the Philippines(PYAP)-CDO Focal Person Gerryca Isabelle Maagad ug piniling youth representatives gikan sa siyudad ang midawat sa maong awards.

 

 

Mitambong usab sa kalihokan si Job Placement Bureau - Public Employment Service Office (JPB-PESO) Manager Kathleen Kate 'Kitkat' Sorilla, University of Science and Technology of Southern Philippines (USTP) Director for Extension Isay Fajardo ug nakadaiyang community-based youth leaders ning siyudad.

 

 

Ang maong summit gipaluyohan sa United States Agency for International Development (USAID) ug Education Development Center, uban sa tema: "The Power of Partnerships and Convergence for Out-of-School Youth".

Moabot sa 90 ka ‘youth champions’ gikan sa siyudad sa Davao, General Santos, Cotabato ug Cagayan De Oro ang misalmot sa maong kalihokan. (NLB/CIO)