GISUGDAN ang pagpangita og lugar sa matag barangay nga magsilbi isip ‘isolation unit’ kon kabutangan sa mga Persons Under Monitoring (PUM).

Gani man, giklaro ni City Health Office (CHO) Technical Division Head Dr. Claire Paglinawan nga ang mga PUM dili pasabot nga adunay COVID19, apan kadtong adunay ‘travel history’ lamang sa mga lugar nga adunay local transmission ug kinahanglan mopailawum sa ‘home quarantine’ sa tuyo nga dili sila ma-expose.

Apan, gipadayag usab sa CHO nga ang PUM nga walay insaktong lugar sa ilang panimalay pwede mahatagan og mga ‘isolation units’ nga ilang mapuy-an.

Samtang, gipasabot usab ni Paglinawan nga ang mga Persons Under Investigation (PUI) adunay duha ka classifications gikan sa Department of Health mao kadtong mga tao nga adunay mga mild symptoms lamang kalabot sa COVID19 ug wala’y pre-existing condition, pwede pa sila ipailawom sa home quarantine o ibutang sa ‘isolation unit.’

Dugang niini ang mga elderly ug nagkadaiyang mga PUI nga adunay pre-existing condition ang maoy hatagan og prayoridad ug gikinahanglan atimanon sa hospital.

By Nica Borja