Saturday, 21 March 2020 03:05

Medical personnel sa NMMC nga mitutok sa PUIs wala gitugotang mopauli isip 'precautionary measure'

Written by

WALA usa gitugotan nga makapauli sa ilang panimalay ang mga health workers sa Northern Mindanao Medical Center (NMCC) nga nakatutok sa pag-atiman sa mga persons under investigation (PUI) sa coronavirus disease COVID-19.

Matud ni Dr. Jose Chan, Medical Director sa NMMC atol sa daily press briefing sa City Hall, Marso 21, kini kalabot na sa ilang precautionary measure nga gipatuman karon sa hospital aron maprotektahan ang mga frontliners batok sa COVID-19.

"Ang mga doktor, nurses o kinsa mang mag-atiman sa pasyente (PUI) dili sila mouli sa ilang balay, ato na kining gisugdan sa miaging semana" saysay ni Dr. Chan.

Dugang ni Dr. Chan nga dunay usa ka lawak nga gitagana sa matag personnel sulod sa ospital diin didto kini magpahulay human sa iyang 12hrs/day nga shift sulod sa usa ka semana.

Gipasabot ni Dr. Chan nga kini usab aron dili mautro ilang kasinatian bag-ohay lang diin 40 ka mga medical ug non-medical workers ang nahimong person under monitoring (PUM) nga gipailawom karon sa 14-day quarantine human direkta ug dili direktang na 'exposed' sa usa ka COVID-19 patient kinsa mipanaw na.

 

By Archie Pagayaman / Photo by Jomar Figuracion