Ning panahon sa pagsulay, IKAW, ANG IMONG PAMILYA ug ANG TIBOOK KOMUNIDAD, atong dayongan kini nga RESPONSIBILIDAD.

Ania ang pamaagi aron kita ma-proteksyonan:
--

Kini gahatud kaninyo sa LGU-CDO ubos ni Mayor Oscar Moreno, City Inter-Agency Committee ug City Information Office.

Animation by XU Student Volunteer Vince Joseph Bragat

Published in News and Article
Friday, 27 March 2020 23:23

MARKETS ORDERED CLOSED AT 7PM

Mayor Oscar Moreno issued Executive Order No.055 today closing all public markets (Cogon, Carmen, Agora, Westbound, Puerto) including "mini markets" in all barangays at 7PM and will reopen at 5:00AM the following day.

This is to further prevent the possibility of spreading the COVID19 virus and discourage people from roaming around.
#fightCOVID19
#UniteAgainstCOVID19
#CDOCOVID19Response

 

Published in News and Article

GIPASABOT ni Dr. Adriano Subaan, regional director sa Department of Health DOH X, nga ang pagdeklara og community lockdown sa usa ka LGU magbasi sa ‘informed decision’.

Si Dr. Subaan maoy head sa health cluster sa Regional Inter-Agency Task Force for the Management of Emerging Infectious Disease (RIATF-EID) o’ Northern Mindanao Task Force COVID-19.

'It is a very hard decision-making for them kasi everything has to be considered. If you were on their shoes, it would be very difficult. But for us in DOH, we are providing health information for them to come up with an informed decision making,” sigun ni Subaan.

“Dili modesisyon lang tungod sa kahadlok, modesisyon lang kay tungod ang uban nag-lockdown, nag- quarantine, modesisyon lang kay naay pressure gikan sa ubang sector. Kondili modesisyon kay naa silay tamang impormasyon, nga kailangan sila mohatag og appropriate actions," dugang pa niya.
Sa laing bahin, gibutyag ni Regional Director Arnel Agabe sa Department of Interior and Local Government (DILG X), kinsa mao usab ang nangulo sa governance cluster sa regional task force, nga magpagawas sila og supplementary guidelines basi sa national IATF-EID aron maggiyahan ang mga local chief executives sa mekanismo o protocols sa pagpatuman og community quarantine ug uban pang preventive measures batok sa pagkaylap sa coronavirus disease (COVID-19).

Nagtuo kini nga 'challenging' ang papel karon sa mga LCEs ilabina nga kinahanglang timbangon ug ikonsidera ang tanang butang nga mahimong implikasyon kung mag-desisyon og lockdown o enhanced community quarantine.

Gipahinumduman usab ni Dir. Agabe ang tanang LCEs nga walay executive orders nga molapas sa gitakda sa NIATF-EID.

Kahinumduman una nang gideklara ang community quarantine sa Cagayan de Oro ubos sa Executive Order No. 49 ni Mayor Oscar S. Moreno niadtong Marso 20.

Ubos niini, aduna pa'y public transport apan hugot ang pahimangno sa pag-obserbar sa physical distancing, temporaryong pagsirado sa mga malls ug uban pang non-essential establishments, balay kalingawan ug bars, pesonet/internet cafe, pagpatuman og curfew ug uban pang precautionary measures batok COVID-19.

"Cagayan de Oro has duty not only to itself but to the region, ang Northern Mindanao Medical Center (NMMC) is a regional referral center", saysay ni Mayor Moreno

Published in News and Article
Friday, 27 March 2020 20:20

EOC COVID19 ADVISORY #8

EOC COVID19 ADVISORY #8
Maayong hapon
Kaabag!
Ayaw panakod ug ayaw pagpatakod sa COVID19
Virus. CURFEW 9PM-5AM.
PAGPUYO sa BALAY aron sa virus MALIKAY, kay ang COVID19 MAKAPATAY!
Sa dugang kasayuran, visit CDO COVID19 RESPONSE sa facebook ug http://covid19response.cagayandeoro.gov.ph/

Published in EOC Advisories
Friday, 27 March 2020 17:17

EOC COVID19 ADVISORY #7

EOC COVID19 ADVISORY #7
Maayong adlaw Kaabag!
Ang pagkuyanap sa covid19 virus delikado na karong panahona. Ang atong gobyerno gihimo ang tanan sa pagsumpo sa covid19 virus. Apan kun dili ikaw magpuyo sa imong panimalay walay pulos ang gihimo sa gobyerno. Pagpuyo sa balay kay mao kana ang dakong sulbad batok sa covid19.
Para sa dugang kasayuran, visit CDO COVID19 RESPONSE sa facebook ug http://covid19response.cagayandeoro.gov.ph

Published in EOC Advisories
Friday, 27 March 2020 12:38

Public health services, magpadayun

 

SA tuyo nga mahatagan og prayoridad ang himsog nga panglawas sa katawhan ug dili ma-undang ang serbisyo sa natad sa ‘public health’, nag-emergency purchasing sa mga tambal ug medical supplies ang City Health Office para sa magpadayun nga konsultasyon alang sa mga non-Covid19 ug non-Acute Respiratory Illness cases diha sa mga health center.

Magpadayun usab ang immunization ug ang paghatag og tambal sa mga pasyente nga adunay non-communicable diseases.

Gani, gipahinumduman ang katawhan nga magobserba sa social distancing samtang mopahimulos sa maong serbisyo.

 

|| By Nica Borja

Published in News and Article

MOKABAT na sa kapin 60 ka mga public places ang na-disinfect sa gimugna’ng disinfection team sa kagamhanang lokal sugod Marso 14 sa tinguha nga mapanalipdan ang katawhan batok COVID 19.

Lakip sa nahuman og disinfect ang City Hall, mga simbahan sa nagkadaiyang relihiyon, mga tunghaan, mga buhatan sa gobyerno nasyonal, tibuok Divisoria, mga dagkong kadalanan ug uban pang lugar nga sarang tapokanan sa katawhan.

Samtang nagpahigayon usab og disinfection efforts ang nagkalain-laing barangay alang sa ilang kadalanan ug mga lugar nga kanunay ginaadtoan sa katawhan para sa importanteng mga rason.

Image may contain: one or more people and people standing Image may contain: outdoor Image may contain: one or more people and indoor Image may contain: one or more people, people walking and outdoor Image may contain: one or more people and people standing Image may contain: one or more people and people standing Image may contain: one or more people, people standing, night and outdoor 

|| By Spencer Palen

Published in News and Article

SA tinguha nga mas mapalapdan sa kagamhanang lokal ang pag-disinfect sa mga pampublikong lugar ning syudad, dugang ekipo ang naangkon niini aron maprotektahan ang katawhan batok COVID 19.

Gani man unom ka bag-ong ‘water mist machine gun ang gipalit sa City Disaster Risk Reduction and Management Department (CDRRMD) alang sa kanunay’ng pag-disinfect sa mga kadalanan.

Kini nga ekipo agig dugang sa kasamtangang 20 ka mga water sprinkler/sprayer nga gigamit sa team.

Samtang miabag usab ang negosyante nga si Mr. Dennis Secoya pinaagi sa pagpahulam sa iyang ‘Misting Canon’ aron mapadali ang pag-disinfect ilabina sa kadalanan.

 

Image may contain: one or more people Image may contain: people standing

Image may contain: one or more people Image may contain: one or more people

|| By Spencer Palen | Photos by Aicy Soriano

Published in News and Article
Friday, 27 March 2020 12:24

24/7 CHO HEMS Operation Center

NAGPADAYON ang 24/7 Health Emergency Management Staff (HEMS) operation center sa City Health Office sa pagdawat og mga tawag kalabot sa mga suspected COVID-19 cases lakip ang pag-generate og daily report bahin sa Persons Under Monitoring (PUM) gikan sa mga Barangay Health Emergency Response Team (BHERT).

Giatiman usab sa HEMS ang pagkuha ug paghatud sa mga nanginahanglan og pagtagad ilabina ang mga suspected cases ngadto sa Northern Mindanao Medical Center.

Samtang gipasalig ug giklaro ni City Health Office Officer-in-Charge Dr. Lorraine Nery nga plastar ang ‘contact tracing’ sa nag-positive sa COVID-19 dinhi ning syudad.

Gani man gipasabot usab niini ang paagi sa istriktong pagpatuman sa home quarantine ug pagmonitor sa mga health personnel sa nakauban sa maong positibo.

 

||Text by Nica Borja

 
 
 
Published in News and Article

NUNOT sa panawagan nga magbaton og kaugalingong 'testing laboratory' ang rehiyon, plano karon sa Department of Health X nga i-convert ang TB (tuberculosis) Reference center nga nahimutang sa DOH compound ning syudad alang sa coronavirus disease COVID-19 testing.

Kini ang gikompirma ni Dr. Adriano Subaan, regional director sa DOH X, atol sa press conference nga gipahigayon sa Regional Inter-agency Task Force for the Management of Emerging Infectious Disease kon RIATF-EID, Marso 27 ning tuig.

Kahinumdoman, una nang nagpadangat og sulat hangyo si Mayor Oscar S. Moreno kang Health Secretary Francisco Duque III nga mahatagan og 'testing capacity' ang rehiyon.

Apan giklaro ni Dr. Subaan nga ang testing laboratory alang sa COVID-19 dili ordinaryo tungod kay kinahanglan nga medical technologist ug ubang pang medical experts ang moatiman o mo-facilitate sa testing gumikan sa component niini nga 'biohazard' nga peligro sa panlawas sa tao.

"We have already signified our intention to convert our TB reference center inside the DOH compound. Our TB reference center has an RT-PCR (real time polymerase chain reaction) equipment that can actually be used for the testing except that naay other requirements", pagpasabot ni Dr. Subaan.

Giklaro usab ni Dr. Subaan nga kini plano pa lamang ug tun-an pa sa national testing laboratory sa COVID-19 nga mao ang Research Institute for Tropical Medicine kung nakasubay kini sa standard, gawas pa nga duna pay laing requirements gawas sa RT-PCR equipment.

Image may contain: 5 people, indoor
 
~Text and photo by Archie Pagayaman
Published in News and Article
Page 17 of 25