GIHINGUSGAN sa City Health Office (CHO) ang pagpasabot sa risk communication ngadto sa kabarangayan sa tinguha nga masabtan sa mga barangay officials ilabina sa katawhan ang kamahinungdanon sa ilang kooperasyon ug responsibilidad diha sa ilang katilingban sa pagsumpo sa pagkuyanap sa COVID 19.

1,076 - total number of PUMs
633 - on going quarantine
373 - completed 14 days quarantine

APRUBADO na ni Mayor Oscar Moreno ang paghatag og assistance ngadto sa mga barangay dinhi sa dakbayan isip tabang sa pagwagtang sa Corona Virus Disease (COVID-19).

Mokabat sa P121,000 ang gitakdang ihatag sa matag barangay nga gilangkoban sa P 108,000 isip Barangay Aid; P10,000 nga tabang ngadto sa mga tanod ug P3,000 nga magsilbing Barangay Development Fund.

Mahimong madawat kini sa mga Barangay LGUs kung makompleto nila ang mga rekisitos sama sa pagpasa sa 'financial reports and vouchers'.

Ang maong cash assistance dakong tabang aron mahatagan og insaktong atensyon ang panginahanglanon sa mga barangay ning panahon sa pagkuyanap sa COVID-19.

Dugang P90 milyones usab ang giduso karon ni Mayor Moreno nga magahin alang sa 'hospital and medical related needs' aron masolusyonan kining problema sa sa COVID-19.

By Spencer Palen / photo by Aicy Soriano

ANG mental health usa sa prayoridad nga gihatagan og atensyon sa siyudad ilabina sa mga biktima sa nagkadaiyang trahedya.

Alayon niini, ang City Social Welfare and Development Psychosocial Division ubos ni CSWD Psychosocial Division Head Jaymee Leonen nagpadayon sa paghatod sa ilang serbisyo ngadto sa katawhan pinaagi sa pagpasiugda og psychological first aid alang sa mga biktima sa sunog sa Barangay Lapasan nga gilangkoban sa 13 ka hamtong ug siyam ka bata, bag-ohay lang.

Atol sa psychosocial first aid, gi-monitor ug gi-interview ang mga survivors alang sa posibleng sinyales sa trauma ug distress.

Kini usa ka praktis sa pag-ila ug pag-responde sa katawhan nga nagkinahanglan og psychosocial intervention resultant gikan sa mga trahedya nga nahitabo bag-ohay lang.

Gani, gisiguro sa staff sa CSWD Psychosocial Division ang pag-obserba sa social distancing ug uban pang pre-cautionary measures sa tuyo nga malikayan ang pagkuyanap sa COVID-19.

Sa laing bahin, giawhag ang mga licensed psychometricians ug psychologists sa dakbayan alang sa pagpahigayun og libreng ‘online counseling’ sa publiko nunot sa pag-atubang sa pagsulay nga atong nasinati karon.

Text by Nica Borja
Photos courtesy of CSWD Psychosocial Division

Kini ang pamahayag ni Mayor Oscar Moreno agi’g reaksyon sa sugyot nga ipaubos sa enhanced community quarantine ang tibook Cagayan de Oro City human nagpositibo sa COVID-19 ang 71 anyos nga lalaki ug molupyo sa usa sa mga numbered barangays sa dakbayan.

“Let us not look at what the government can do for us, but rather focus on what we can do to defeat this virus,” pahayag sa mayor.

NANAWAGAN ang kagamhanang local sa katawhan sa kooperasyon ug pagtuman sa pahimangno sa pagpuyo sa balay aron dili na modaghan pa ang ihap sa mga persons under monitoring (PUMs) ug persons under investigation (PUIs) sa syudad.

GIHINGUSGAN ang pag-monitor sa tanan PUMs kon Persons Under Monitoring dinhi sa dakbayan pinaagi sa pagpaningkamot sa mga BHERTs kon Barangay Health Emergency Response Teams.

Subay kini sa mando ni Mayor Oscar Moreno sa mga barangay nga angay hatagan og dakong pagtagad ang kahimtang ug estado sa matag PUM nga ma-report dinhi sa Cagayan de Oro.

Sigun pa sa mayor nga angay i-"empower" ang mga BHERTs kay sila ang adunay dakong tahas sa pagsulbad niining problema sa pagtakod sa Corona Virus Disease nga giatubang sa tibuok nasud.

Dugang pa ni Dr. Lorraine Nery, OIC sa City Health Office, dili angay kabalak-an ang taas nga numero sa PUMs tungod kay kini preventive measures lang ug kini nga mga indibidwal walay nabati nga sintomas pero adunay 'travel history'.

By Spencer Palen | Photo by Rhoel Felicitas

MAS gipahugtan ug gipalapdan pa sa Department of Health X ug Barangay Health Emergency Response Team (BHERTS) sa syudad ang 'contact tracing' niadtong mga tawo nga adunay ‘close contact’ sa usa ka kompirmadong coronavirus disease o COVID-19 patient sa Cagayan de Oro nga kasamtangang na-admit karon sa Northern Mindanao Medical Center (NMMC).

Kini ang gibutyag ni Dr. Dave Mendoza, assistant regional director sa DOH X atol sa daily press briefing sa City Mayor's Office, Marso 25 ning tuig.

Sigun pa sa taho, ang maong COVID-19 patient padayong nagpa-alim karon sa NMMC, ang nag-inusarang referral hospital sa COVID-19 patients sa tibook Northern Mindanao.

Ang pasyente usa ka 71 anyos nga lalaki ug molupyo sa usa sa mga numbered barangays sa dakbayan sa Cagayan de Oro.

Ang maong pasyente adunay history of travel gikan sa Manila niadtong Marso 7, ug miuli sa Cagayan de Oro niadtong Marso 12, ug na-admit sa NMMC niadtong Marso 16 gumikan sa hilanat, takig ug grabe nga ubo.

Naghambin usab kini og daan nang mga balatian sama sa hypertension, benign prostatic hyperplasia ug chronic cardiac diseases.

Dugang pa ni Dr. Mendoza nga mismo ang pamilya sa nasangpit nga pasyente mi-kooperar alang sa safety precautions sa pagtratar sa ilang kabanay nga adunay COVID-19.

Nagpahimangno usab si Dr. Mendoza kalabot sa 'confidentiality' mahitungod sa impormasyon sa usa ka COVID-19 patient, busa limitado lang ang ilang ginabutyag.

Apan gisiguro niini nga gitutukan na ang 'contact tracing' aron mapugngan ang pagkaylap sa sakit.

By Archie Pagayaman / photo by Roel Felicitas

Bureau of Fire Protection in Brgy Bulua disinfects Bulua Talipapa this evening (March 25) in its effort to stop the possible spread of COVID 19 virus.

(Photos by Roel Felicitas/CIO)

Text by Nica Borja

GIHINGUSAN karon sa City Health Office (CHO) ug mga field workers ang ilang bag-ong developments: case finding, contact tracing ug risk communication.