SNAPSHOTS. Mayor Oscar Moreno met with Gingoog Vice Mayor Peter Unabia, Congressman Christian Unabia, Magsaysay Mayor Buhisan, some City Hall and Provincial Capitol officials and representatives from the Oro Chamber yesterday morning to polish agreements on the declaration of Community Quarantine in their respective localities.

PADAYON ang 'disinfection efforts' sa lokal nga kagamhanan isip usa sa mga preventive measures nga gi-implementar kontra COVID-19.

Ning hapon sa Marso 23, taliwala sa kainit sa kadalanan, nag-disinfect ang grupo sa City Public Services Office nga gipangulohan ni Engr. Al Villalba diha sa Pabayo Street ning dakbayan.

Bitbit sa maong grupo ang kapin 20 ka mga containers nga adunay 16 ka-litros sa 'disinfectant solution' matag container arun masiguro ang luwas nga panlawas sa matag residente.

Kini lain pa sa 'disinfection teams' nga anaa usab sa mga barangay naningkamot nga malimpyohan ang 'public areas' nga ginadagsa sa katawhan.

Matag-gabii, ubay-ubay ka mga empleyado sa City Hall gikan sa lain-laing buhatan niini ang boluntaryong gaapil sa disinfection team arun mas mapadali ang paghinlo sa dagkong dalan sa syudad.

(By Spencer Palen | Photos by Wowel Condeza)

MIKABAT na sa unom ka checkpoint ang nabutang sa kapulisan lakip ang sa Amoros.

Sigun pa sa representante sa Cagayan de Oro City Police (COCPO) Plt. Col. Llewellyn Datilles, plano nga ibalhin ang checkpoint nga nahimutang sa UKC ngadto sa barangay Pagatpat alang sa pag-cover sa mga ga-alley sa maong dapit.

Nagmalampuson usab ang pagbalhin sa checkpoint gikan sa barangay Indahag ngadto sa boundary sa Bukidnon ug Cagayan de Oro lakip ang pagbalhin sa checkpoint sa Koresco ngadto sa barangay Mambuaya.

Sa laing bahin, nagpadayun gihapon ang pagpatuman sa curfew sa matag barangay sa tuyo nga malikayan ang pagkuyanap sa sakit.

Dugang niini, ginaug sa kapulisan ang tahas ngadto sa mga barangay tanud
kalabot sa pag-siguro na ga-sunod ang katawhan sa social distancing ingon man nga sa barangay ga-una ang mga kalingawan.

Gilauman nga magpagawas og ‘directive’ si COCPO City Police Director PCol. Henry Dampal alang sa pagsusi kon ang publiko misunod sa pahimangno sa siyudad nga magpuyo sa balay.

#CDOCOVID19RESPONSE

Text by Nica Borja

STRESS debriefing o psychological counseling ug medical clearance ang duha ka rekisitos aron makabalik sa trabaho ang 40 ka mga health ug non-health personnel sa Northern Mindanao Medical Center.

Kini ang giklaro ni Dr. Jose Chan, Medical Director sa NMMC atol sa daily press briefing sa Mayor's Office, City Hall, Marso 23 ning tuig.

"Mo-report na sila ugma (Marso 24) kung aduna na sila’y medical clearance nga fit to work na sila. Ikaduha, nahuman na sa counseling sa psychiatrist ug psychologist before sila mobalik og trabaho", saysay ni Dr. Chan.

Kahinumduman nga gipaubos sa kwarantinas ang nasangpit nga mga personahe human nagpositibo sa COVID-19 ang usa ka pasyente gikan sa Lanao del Sur diin namatay na usab kini niadtong Marso 13.

Nasayran karong adlawa (Marso 23) mahuman ang pag-quarantine sa maong mga personnel.

Sa laing bahin, gibutyag ni Dr. Chan nga adunay 24 ka isolation rooms ang gigahin sa ospital alang sa mga pasyente nga gi-obserbahan sa COVID-19. Samtang 10 niini ang kasamtangang gi-okupar sa mga persons under investigation (PUIs), kinsa naghulat na lang sa resulta.

Gidugang usab ni Dr. Chan nga sa pagkakaron igo pa ang Personal Protective Equipment (PPE) alang sa mga doktor, nurses o kinsa pang direktang ga-atiman sa PUIs.

Mapasalamaton usab kini sa mga nagdonar og PPEs sa ospital, apan giangkon usab niini nga dili kini moigo kon ugaling mosaka pa ang ihap sa mga pasyente nga obserbahan sa COVID-19.

Kahibaloan nga hugot nilang gitamod ang pagsul-ob sa mga frontliners og PPEs. Hinuon, napaabot na kini nga concern sa Department of Health.

By Archie Pagayaman / Photo by Jomar Figuracion

NANGUNAY ang grupo sa mga photographers ug videographers sa City Information Office sa pagpanghatag og information materials sama sa stickers mahitungod sa pagwagtang sa Corono Virus Disease (COVID-19).

Giantos sa maong mga empleyado ang kainit sa panahon aron lang mapadayag ngadto sa publiko ang mensahe sa gobyerno batok COVID-19.

Sulod sa maong materials ang mga 'precautionary measures' nga angay buhaton aron makalikay nga mataptan sa maong virus.

Boluntaryo usab nga gipamilit sa mga motorista ang maong stickers aron mahatagan og dugang impormasyon ang mga katawhan hilabina kadtong gagamit sa public transportation.

By Spencer Palen | photos by Roel Felicitas