City Public Services Office personnel conduct disinfection measures in public places and churches.

@cdocovid19response
#cdocovid19response

GI-IMBESTIGAHAN karon ang mga establisemento kinsa matud pa mipatuman og mga kondisyon sa pagpalit og alcohol sama sa 'minimum amount of purchase' ug 'package deal' diin mapugos ang mga konsumidor nga mopalit na lang sa mga items bisan supak sa ilang kagustohan.

Kini human misumbong sa City Price Coordinating Council ang pipila ka mga konsumante kinsa giingon nga nakapalit lamang og alcohol human mipalit og mga sabon isip 'package' niini.

Sa laing bahin, adunay midangop nga mga konsumante sa CPCC tungod sa gi-implementar niini nga 'minimum amount of purchase' kon kantidad nga angay mabayran sa konsumante para matugotan nga makapalit og alcohol.

Sigun pa ni Atty. Jose Edgardo Uy, co-chair sa CPCC, dili puwede nga but-an ang mga konsumante sa ilang mga paliton nga grocery items kay ila kining katungod, ug dili usab angay mosakay sa panahon ang mga establisemento ning panahon sa krisis.

Sa kasamtangan, gipaabot na kini sa CPCC ngadto sa Department of Trade and Industry (DTI) kinsa adunay otoridad nga mandoan ang mga establisemento nga dili na ipadayon ang maong kondisyon sa pagpalit kay kini nakalapas sa 'consumer rights'.

Mipahimangno usab si Atty. Uy nga dili angay mabalaka ang mga konsumante sa dakbayan kay padayon ang pagpaningkamot sa lokal nga kagamhanan inubanan sa mga ahensya sa gobyerno nasyonal ug mga organisasyon nga ma-'regulate' ang presyo sa palaliton ug walay pang-abusar nga mahitabo kabahin sa pagpamaligya og 'basic commodities'.

By Spencer Palen | Photos by Reynan Baylin

NASAMPULAN karon sa CDO-Regulatory Compliance Board kon RCB ang duha ka peso/internet cafes sa Barangay 26 ug 35 ning syudad human misupak sa kamanduan ni City Mayor Oscar S. Moreno pinaagi sa E.O 048-2020 o temporaryong pagsira sa internet ug gaming shops gumikan sa bahad sa COVID 19.

Atol sa gipahigayong surprise inspection sa hiniusang pwersa sa RCB pinanguluhan ni Antonio Resma Jr., inspectorate team leader sa RCB, kauban ang personahe sa City Social Welfare and Development (CSWD) ug Cagayan de Oro City Police Office (COCPO), gi-isyuhan og Official Violation Report (OVR) ang usa ka internet cafe sa Brgy 26.

Gawas pa kini sa kalapasan nga walay business permit ang 12 units nga peso net ug wala naka 'lock' ang 'porn site'.

Sa laing bahin, laing internet cafe usab sa Barangay 35 ang na-isyuhan og OVR sa kalapasan sa E.O 048-2020.

Sa kinatibuk-an, 15 ka mga menor de edad ang malampusong na-rescue sa nasangpit nga mga internet cafes. Ang inspection subay sa taho nga nadawat sa buhatan.

Gipanawagan karon ni Resma ang hugot nga kooperasyon sa Barangay Council for Protection of Children (BCPC) nga mo-koordinar sa COCPO alang sa implementasyon sa E.O 048-2020.

By Archie Pagayaman / photo by Reynan Baylin

GIBUTYAG karon ni Atty. Jose Edgardo’ Egay’ Uy, Co-chair sa City Price Coordinating Council (CPCC), nga manubag ang mga patigayon ug establisemento nga mapamatud-ang nag-'overpriced', nag-'hoard' sa alcohol, face masks ug uban pang produkto taliwala sa giatubang nga COVID 19 sa tibuok kalibutan.

Kini ang gipadayag ni Atty. Uy human sa gipahigayong random ug surprise monitoring sa presyo ug supply sa nasangpit nga batakang palaliton sa mga tindahan, pharmacies, ug warehouses sa Carmen, Divisoria, Cogon, Lapasan ug CM Recto Highway areas.

Ang CPCC maoy nangulo sa Joint Monitoring & Enforcement Team diin gilangkuban kini sa mga representante sa Department of Trade and Industry pinangulohan ni OIC Provincial Director Almer R. Masillones, uban sa representante sa Food and Drug Administration (FDA), Criminal Investigation and Detection Group, Cagayan de Oro City Police Office, National Bureau of Investigation, ug uban pa.

Anaa usab si Kagawad George Goking, ang chairman sa Committee on Trade and Commerce sa konseho. Tumong niini nga matino kung insakto pa ang supply ug kung mituman ba ang mga patigayon sa kamanduan nga ‘price freeze’ sa batakang palaliton ug essential emergency medicines and supplies nunot sa Presidential Proclamation 922 kon deklarasyon sa ‘state of public health emergency’ sa nasod gumikan sa bahad sa COVID 19 disease.

"Kung makita nga naay violation, then I would suggest nga i-pursue ang unsang angay buhaton to make them liable kay dili kini ordinary time, kinahanglan subayon tanan, dili pwede oportunista dinhi kay lisod ang panahon, tanan gusto magpalit sa item nga scarce, ubos na ang supply, mahal pa, di pa gyud tinuod nga item ang gibutang sa resibo", saysay ni Atty. Uy.

Gipadayag ni Atty Uy nga adunay nasapon sa akto nga usa ka tindahan nga gapamaligya og alcohol nga wala nakasubay sa gitakdang price range.

Giangkon usab niini nga adunay pag-ubos sa supply sa nasangpit nga produkto, busa padayon ang pahimangno sa katawhan nga mahimong responsableng konsumante, dili mag-kompra og dinaghan ug ipatuman ang 'equitable distribution' aron ma-apod ang tanan.

Gisuguro usab niini nga atol sa panagtagbo sa mga suppliers, giduso nga paspasan ang delivery taliwala nga aduna usab kalisdanan sa 'mobility' gumikan sa ubang areas nga nag-deklara og lockdown tungod sa COVID 19.

By Archie Pagayaman / photo by Reynan Baylin

City Councilor Ian Mark Nacaya together with the 19th City Council expressed full support of the directives of City Mayor Oscar Moreno imposing necessary precautionary measures against COVID-19.

Dr. Jose Chan, Medical Director of Northern Mindanao Medical Center (NMMC), in today’s press briefing reported at least 25 PUIs admitted since we received patients, 1 confirmed and expired last Friday, and 9 are awaiting results.

Precautionary Measures against COVID-19. Dr. Lorraine Nery, officer in charge of City Health Office, in today’s press briefing said measures were already taken by CDO COVID-19 Task Force which includes the issuance of Mayor Oscar Moreno’s suspension order of classes in all levels, disinfection of churches, offices including City Hall, markets, establishments and terminals.

FOR Northern Mindanao cases. Dr David Mendoza, assistant regional director of DOH 10, in today’s press briefing said the region recorded a total of 35 cumulative cases of Person under Investigation (PUIs) of which 17 were tested negative and 6 are pending results. However, Persons under Monitoring (PUMs) in the region recorded a total of 131 of which 60 completed their home quarantine and 71 are still on-going.

Dr. Mendoza said mandatory quarantine is imposed to those coming from areas with COVID-19 cases.

He also lauded the Barangay Health Emergency Response Teams’ effort in tracing and monitoring those persons coming in their barangays.

Mayor Moreno mimando og `temporary closure’ sa malls

By Spencer Palen

TEMPORARYO'NG ipasirado ang mga `malls’ ug uban pang 'entertainment places/establishments' dinhi sa dakbayan subay sa 'precautionary measures' nga gi-implementar ni Mayor Oscar Moreno isip pagprotehir sa katawhan batok COVID-19.

Ang 'temporary closure' ipatuman sugod ugma’ng adlawa, Marso 17, hangtud sa sunod nga abiso nga ihatag sa lokal nga kagamhanan kung mahimo na kining buksan sa publiko.

Kini ang mensahe ni Mayor Moreno atol sa ikatulong hugna sa COVID-19 Daily Press Conference nga gisalmotan sa lain-laing buhatan sa gobyerno sama sa Department of Health (DOH), Northern Mindanao Medical Center (NMMC), Cagayan de Oro City Police Office (COCPO), konseho sa dakbayan ug mga opisina sa city hall nga makanunayong naningkamot batok sa maong sakit.

Giklaro usab sa mayor nga magpabilin nga bukas sa publiko ang mga establisemento sama sa 'grocery stores', 'convenience stores', 'pharmacies' ug uban pang tindahan sa mga 'basic commodities' sa katawhan.

Ang maong deklarasyon usa lamang sa mga precautionary measures nga gihimo sa kagamhanang lokal aron malikayan ang pagtakod sa 'virus' pinaagi sa pagpasirado sa mga lugar nga sarang dagsaan sa mga tawo hilabi na katong gikan sa mga kasikbit nga lugar sa dakbayan.

"We shall not lockdown Cagayan de Oro but instead, remove the non-essential reasons of the people to enter the City", sigun pa ni Mayor Moreno.

Samtang nagpadayon usab sa paglusad og mga inisyatiba sa gobyerno aron masiguro ang seguridad ug piskay nga panlawas sa katawhan bisan pa man sa panahon niining 'public health emergency' sa nasud.