Dako ang pasalamat sa City Anti-Drug Abuse Council (CADAC) ngadto sa USAID-URC for the RenewHealth Project: Expanding Access for Community-Based Drug Rehabilitation Program (CBDRP) in the Philippines sa hugot nga pagsuporta sa kampanya ug programa sa syudad batok ilegal nga druga.

 

Gipili sa USAID-URC nga pilot area ang Cagayan de Oro alang sa proyekto kalabot sa unang CBDR Training of Trainers nga gipahigayon dinhi sa syudad, diin 996 ka indibidwal ang nabansay mahitungod sa provision of screening, treatment, support and sustain services.

 

Sa nilabay’ng lima ka tuig nga partnership sa LGU-CDO ug USAID RenewHealth alang sa pagpatuman sa CBDRP, mokabat 8,967 ka Person Who Used Drugs ang natala, 3,383 ang na-screened, 2,264 ang na-enroll sa programa, ug 1,502 clients ang nakakumpleto sa ilang treatment.

 

Matud ni Dr. Rhyselle Bernadette Melliza-Descallar, head sa City Anti-Drug Abuse Division-Oro Welness Center (CADAD-Oro Wellness) nga instrumento ang USAID RenewHealth sa pagpalambo sa mga programa sa CADAC ug sa mga serbisyo alang sa mga responders, sa ilang pamilya ingon man sa komunidad pinaagi sa technical, ug logistical assistance nga gihatag sa maong katuigan.

 

Ang pinakadako nga assistance mao ang katumanan sa institutionalization sa programa pinaagi sa pagkamugna sa LGU Drug Code, ug ang CBDRP accreditation ubos sa Department of Health (DOH).

 

Nakahatag usab kini og dalan nga molambigit sa ubang ahensya sa gobyerno ug local government unit nga adunay susamang pagbati, tumong ug panglantaw alang sa mga PWUD ug sa ilang mga pamilya nga maka-recover ug makabalik sa katilingban isip sakop sa komunidad nga adunay dignidad. (ALR/CIO/Photos from CADAD-Oro Wellness)