GIPAKUSGAN sa kagamhanang lokal sa Cagayan de Oro pinaagi sa Community Improvement Division - Adolescent Health and Development Program uban sa suporta sa Department of Education - CDO ug Xavier Science Foundation -

Kaabag sa Kalambuan pinaagi sa Kabtangan sa Katilingban ( XSF- KKK ) ang serye sa U4U ( You-for-You ) teen trail diha sa Mambuaya National High School, Bayanga NHS ug Midkiwan Integrated School niadtong Abril 1 - 3 ning tuig.

 

Tinguha sa U4U teen trail initiative ang pag-edukar sa mga kabatan-onan batok sa sayo nga paglambigit sa pakighilawas nga moresulta usab sa dili andam nga pagmabdos ug makahatag risgo nga mataptan sa sexually transmitted infections.

 

Moabot sa 40 ka mga student-leaders ang gibansay sa gipahigayon nga U4U facilitators training ug 200 usab ang malampusong misalmot sa U4U rollout sa nasangpit nga mga tunghaan. (AGP/ Photos courtesy of CID)