DUGANG ‘Tatak Klarex’ classrooms na usab ang tukoron sa Gusa Regional Science High School human gisubhan karong buntag ang 4-storey, 16-classroom building ubos sa administrasyon ni Mayor Rolando “Klarex” Uy.

 

Sama sa naunang mga school buildings ni Mayor Klarex, kompleto kini sa audio-video equipment, 50 ka armchairs, built-in multi-media package nga naglangkob sa SMART TV, projector, sound system ug desktop computer ug fire alarm system.

 

Tumong ni Mayor Klarex nga mahatagan og kahamugaway ang mga estudyante lakip mga magtutudlo ug gisiguro gayud niini nga aduna kini functional fire alarm system sa panahon nga adunay mga panghitabo.

Dugang sa mayor lakip sa iyang classroom projects ang paghatag og lingkoranan sa mga estudyante, teacher’s table, grills sa mga bintana ug comfort rooms.

 

Nangulo sa kalihukan si City Administrator Atty. Roy Hilario Raagas, kinsa maoy mirepresentar ni Mayor Klarex Uy, uban nila ni Kagawad Yan Lam Lim, Chief of Staff Sheila Lumbatan, Schools Division Superintendent Dr. Roy Angelo E. Gazo, Gusa Punong Barangay Marlo Tabac ug iyang konseho sa barangay Gusa, Local School Board Executive Director Dr. Alicia Anghay, mga department managers sa city hall ug uban pa.

 

Kahinumdoman nga una nang gibutyag ni Mayor Klarex nga mokabat 86 ka mga classrooms ang iyang tukoron karong tuiga, diin 48 niini sa district 1 ug 38 alang sa district 2. (ACM/CIO Photos by REYNAN BAYLIN)