KAPIN 70 ka batan-ong lideres gikan sa nagkadaiyang youth organizations ang misalmot sa Oro Youth Leaders Convergence, Mayo 4, diha sa City Tourism Hall, ning siyudad.

Atol sa convergence, gihatagan ang matag organisasyon og higayon nga mapadayag ilang milestones.

 

Gihisgutan usab ang mga isyu sa mga kabatan-onan sama sa mental health, teenage pregnancy, job skills mismatch, lack of youth participation sa barangay ug uban pa.

 

Gawas niini, gihisgutan usab ang mga pamaagi diin ang mga batan-on maka-partisipar sa local governance ilabina sa pagtabang sa pagkunhod sa mga nahigustang isyu.

 

Natapos ang kalihokan pinaagi sa paglagda sa pledge of commitment diin ang matag organisasyon misaad nga mag-contribute sa Oro Youth alang sa mga future projects niini.

 

Mitambong sa kalihokan sila si Sangguniang Kabataan Federation President Kenneth John Sacala, Oro Youth Development Officer LordSaver Centina ug City Mayor's Office Public Relations Head Jann Guillmore Actub kinsa mirepresentar ni Mayor Klarex Uy.

 

Nasayrang kini na ang ika-9 nga hugna sa maong convergence.

 

Ang Oro Youth Leaders Convergence inisyatiba sa Oro Youth Development Office uban sa Oro Youth Development Council ug Sangguniang Kabataan Federation - Cagayan de Oro. (NLB/CIO/photos by Jomar Figuracion/CIO)