GIAWHAG kadtong nangita og trabaho ilabina ang mga graduating city scholars nga moapil sa 'Iskolar sa Dakbayan Career Expo 2022' karong Abril 21-22 diha sa Ayala Centrio Mall.

Adunay kapin 50 ka employers gikan sa mga dagkong kompanya ang gilaumang mosalmot sa career expo, ug kinahanglan magpre-register ang mga aplikante.

 

Alang sa mga graduating city scholars, mao kini ang pre-registration link: bit.ly/ISDACareerExpo2022.

 

 

Samtang alang sa walk-in applicants, magdala lamang sa resume ug ballpen ug ipasa sa Job Placement Bureau-PESO Cagayan de Oro nga nahimutang sa 2nd floor, New Executive Building, City Hall.

 

Ang maong inisyatiba gipangulohan sa City Scholarships Office, uban ang Department of Labor and Employment (DOLE) ug Job Placement Bureau- City Public Employment Services Office (JPB-PESO) sa tuyo nga makahatag sa oportunidad sa panarbaho sa mga katawhan, ilabina ang paghaum sa communication skills ug self-confidence sa mga graduating city scholars sa pag-apply og trabaho.

 

Kini usab gipaluyohan sa SAMSUNG, Graphic Gadgets ug SMART. (NLB/CIO)