PADAYON nga gipailawom sa Alert Level 1 ang dakbayan sa Cagayan de Oro sugod Mayo 16 hangtod 31 ning tuig human mipagawas ang Inter-Agency Task Force (IATF) og bag-ong Alert Level status sa lain-laing parte sa nasud.

 

Ubos sa maong alert level status, ipatuman gihapon ang minimum public health standards sama sa pagsuot og face mask ug physical distancing, samtang gitugotan na sa 100% maximum capacity ang mga establisemento.

 

Kasamtangan gipatuman usab ang curfew hours sugod sa alas 11:00 sa gabii hangtod 4:00 sa kadlawon ug mahimong maisyuhan sa ordinance violation receipt ang masapon nga nakalapas niini.

 

Sa kasamtangan, lakip ang Cagayan de Oro sa nagpabiling anaa sa Alert Level 1 samtang gipasaka sa Alert Level 2 ang uban lugar nga adunay pagsaka sa mga kaso o’ ubos ang vaccination rate. (SPP)