NAGPABILIN gihapon sa Alert Level 1 ang dakbayan sa Cagayan de Oro sugod Hunyo 1 hangtod Hunyo 15 ning tuig human nagpagawas og bag-ong alert level status sa nasud ang Inter-Agency Task Force.

 

Tungod niini, padayon ang 100% maximum capacity sa mga establisemento apan kinahanglan gihapon ipatuman ang minimum public health standards (MPHS), pagpamakuna ug uban pang Covid-19 response measures.

 

Kahinumduman nga gipailawom ang dakbayan sa Alert Level 1 sugod niadtong bulan sa Marso tungod sa pagkunhod sa mga kaso sa Covid-19, taas nga ihap sa nabakunahan, ug kanunay nga pagsunod sa MPHS.

 

Taliwala sa pagluag sa mga gabayan, padayon gihapon ang pagpatuman sa curfew hours, pagbawal pag-inom sa ilimnong makahubog diha sa mga pampublikong lugar atol sa curfew, ug uban pang gabayan sa lokal ug nasyonal nga kagamhanan. (SPP)