GISUGDAN na niadtong Hulyo 1 ning tuig sa kagamhanang lokal sa Cagayan de Oro ang pagpamakuna sa first booster alang sa mga bata 12-17 anyos isip dugang proteksyon batok sa sakit nga COVID-19.

 

Kahinumduman niadtong Hunyo 29 migawas ang advisory #164 sa National COVID-19 Vaccination Operation Center kabahin sa booster dose sa mga non-immunocompromised pediatric ug rest of the pediatric population (ROPP) 12-17 anyos gamit ang Pfizer BioNTech vaccine.

 

Alang sa non-immunocompromised pediatric ug ROPP, mahimo na nga magpa-booster sa abli nga mga vaccination centers sa syudad lima ka bulan human natupokan sa second dose sa primary COVID-19 vaccines.

 

Karong adlawa Hulyo 4, abli ang megasite vaccination center diha sa Limketkai mall, school-based vaccination diha sa Camaman-an Elementary School, City Health Office, mga barangay health centers diha sa Mambuaya, Calaanan, Kauswagan, Lumbia, Bugo, Carmen, Nazareth, Macasandig, Lapasan ug Tablon. (AGP/CIO)