“Maulaw ako tungod kay dili kana akong kaugalingong kuwarta ang ipalit sa inyong uniform”.
Kini ang pamahayag ni Mayor Klarex Uy diin iyang gihangyo ang mga department heads nga sa sunod tuig nga pagdawat sa clothing allowance sa mga empleyado sa city hall, dili na color green ang uniform.
Nasayod ang katawhan nga ‘political color’ ni Mayor Klarex ang green sa dugay na nga panahon hinungdan nga dili siya gusto maakusahan nga iyang kamanduan ang paggamit sa color green nga uniform.
Dugang pa sa mayor nga bisan paborito usab kini nga color sa ubang mga empleyado ug department heads apan siya naghangyo nga dili lang gamiton nga color sa uniform.
Nasayran nga adunay color green, pink, red, blue, yellow, black, ug color combination ang polo shirt nga uniform sa mga empleyado sa city hall sa kanhi administrasyon ni Mayor Oscar Moreno. (ALR/CIO)