PLANO magpagula si Mayor Rolando ‘Klarex’ Uy og usa ka orden ehekutibo nga ipakita gayud ang vaccination card una makasulod sa mga opisina, restaurants, shopping malls ug uban pang commercial establishments ning syudad

Ang kamandoan magsilbing pahinumdum na usab sa mga buhatan ug establisemento sa ilang mga kaakuhan ug papel aron masumpo sa hingpit ang pagkuyanap sa virus.

Kini human miuyon si Mayor Klarex sa obserbasyon ni city epidemiologist Dr. Joey Retuya Jr. nga kumpiyansa na kaayo ang mga Kagay-anon sa pagtuman sa minimum public health standards tungod sa pag-ubos sa mga kaso sa milabay’ng pipila ka bulan.

 

Subling nanawagan si Mayor Klarex, kinsa usa ka Covid-19 survivor, sa katawhan sa dakbayan nga magpa-booster na aron makaangkon og dugang panagang sa kaugalingon batok sa virus. (IAF/CIO file photos)