• You are here:  
  • Home /
  • News and Article /
  • Pagreserba og bangko sa mga bus alang sa mga gapasuso, gilusad
Tuesday, 02 August 2022 08:01

Pagreserba og bangko sa mga bus alang sa mga gapasuso, gilusad

Written by
Pagreserba og bangko sa mga bus alang sa mga gapasuso, gilusad
Gihatagan sa Certificate of Recognition ang mga miyembro sa City Infant and Young Child Feeding Task Force dungan ang pagpirma sa pledge of commitment sa mga bus operators nunot sa ‘Breastfeeding-Seat Initiative’ kon pagreserba og lingkoranan alang sa mga gapasuso nga inahan sa matag public utility bus sa rehiyon.
 
Kini subay sa paglusad sa Breastfeeding-Seat Initiative ug Breastfeeding Month kagahapong adlawa (Agosto 1) diha sa Kiosko Kagawasan, ning siyudad.
Mikabat 150 ka Barangay Nutrition Scholars uban sa mga inahang nagpasuso, mga miyembro sa City Nutrition Committee, IYCF Task Force, Land Transportation Franchising and Regulatory Board-10, Region 10 Bus Operators ug National Nutrition Council X ang misalmot sa maong kalihokan.
 
May be an image of 1 person, standing and text that says '"Ang breastfeeding dili lang maghatag sa bata og maayo nga panglawas gikan sa 0 taman sa First 1000 days sa iyang kinabuhi. Very important and very critical kini nga period sa usa ka bata nga maghatag og maayo nga nutrisyon." DIN SEAT κI Dr. Rachel Dilla City Health Officer FF A Breastfeeding-Seat Initiative Launching and Breastfeeding Month Kick-Off August 1, 2022 city information f Cagayan de Oro City Information Office'
 
Sa iyang mensahe, si City Health Officer Dr. Rachel Dilla nag-ingon: “Ang breastfeeding dili lang maghatag sa bata og maayo nga panglawas gikan sa 0 taman sa First 1000 days sa iyang kinabuhi. Very important and very critical kini nga period sa usa ka bata nga maghatag og maayo nga nutrisyon."
 
May be an image of 9 people, people standing and indoor
 
Mihatag usab sa ilang mensahe sila si Dir. Aminoden D. Guro of LTFRB-10, Dr. David Mendoza sa DOH CHD-NM ug Ms. Telesfora Madelo sa DOH CHD-NM.
Natapos ang kalihokan pinaagi sa ceremonial posting sa Breastfeeding-Seat Stickers sa ika-3rd row sa matag bus.
 
Ang Breastfeeding month subay sa Republic Act 10028 kon Expanded Breastfeeding Promotion Act of 2009 nga nagdeklara sa bulan sa Agosto isip ‘National Breastfeeding Awareness Month’. (NLB/CIO/photos by Reynan Baylin/CIO)
Published in News and Article
back to top