GIBUKSAN kagahapon (Agosto 16) sa City Social Welfare and Development Department Persons with Disabilities Section uban sa Persons with Disabilities Affairs Office ang aplikasyon kalabot sa ‘Tuloy Aral Walang Sagabal (TAWAG) Educational Assistance’ alang sa mga Children with Disabilities.

 

Ang mga rekisitos mao ang mosunod: 1. Certificate of enrollment 2. Previous academic year's card 3. Treasurer's Certificate 4. Assessor's Certificate 5. Barangay Certificate of Indigency ug 6. Photocopy of the child's PWD ID.

Ang ‘TAWAG’ usa ka educational assistance program nga gitanyag sa LGU-CDO matag tuig isip tabang sa mga ginikanan ug CWDs.

 

Aduna'y P3,000 nga gigahin ang LGU-CDO alang sa matag CWD nga makasulod sa 300 slots, ug ‘first come, first served basis’ kini nga proseso alang sa mga CWDs nga anaa sa elementarya ug high school.

Molungtad ang aplikasyon hangtud Septiyembre 6, ug alang sa mga interesado nga ginikanan apan ang ilang anak wala pa'y PWD ID, pwede ninyo iparehistro dinhi nga link: https://services.cagayandeoro.gov.ph/pwd/ (NLB/CIO).