Makabaton na og kaugalingong luna ang mga kwalipikadong benepisyaryo sa relocation project human nag-raffling ang administrasyon ni Mayor Rolando `Klarex’ Uy pinaagi sa City Housing & Urban Development Department (CHUDD) Miyerkules, Agosto 17, 2022.

 

 

Ang ‘lot-only’ nga relocation site anaa nahimutang sa Sitio Pamalihi, Barangay Pagatpat diin 45 ka units ang gi-raffle sa mga personahi sa CHUDD sa pagdumala ni Atty. Joeffrey D. Namalata, Officer-in-Charge Head sa CHUDD.

Gipahigayon ang raffling sa Duaw Kagay-an Park diin gitambongan sa mga benepisyaryo nga nanimuyo kanhi sulod sa City Memorial Park, Bolonsiri, Brgy. Camaman-an ug naapektuhan sa redevelopment sa maong sementeryo.

 

Sa kasamtangan, anaa karon sa transitory shelter sa Brgy. Pagatpat gipahimutang ang mga benepisyaryo apan gilauman nga makasugod na og tukod sa ilang pinuy-anan human gipahigayon ang raffling. (ALR/CIO/Photos from CHUDD)