Tuesday, 23 August 2022 00:39

CdeO mitala og 1,054 dengue cases sulod sa 8 ka bulan

Written by
CdeO mitala og 1,054 dengue cases sulod sa 8 ka bulan
SUBLING nagpahimangno ang administrasyon ni Mayor Rolando “Klarex” Uy pinaagi sa City Health Office nga kanunay’ng magmabinantayon ug likayan ang paak sa lamok sanglit mitala og halos triple’ng pagsaka sa dengue cases ang syudad sa Cagayan de Oro.
 
May be an image of 1 person, sitting, standing and text that says 'COVID-19 DE ORO CITY AGAYAN RESPONSE RISI CAGAYANDE ORO WEEKLY UPDATE AS OF AUGUST 22, 2022 ELEKONSULTA ORO RESCUE: 911 JRB e-konsulta:0926-063-6242 COCPO'
Sa taho ni City Epidemiologist Dr. Teodulfo Joselito Retuya Jr., mokabat sa 1,054 dengue cases ang natala gikan sa Enero hangtud Agosto ning tuig kompara sa 420 sa susamang bulan sa milabay’ng tuig.
Matud ni Dr Retuya, basi sa maong datos hapit na molapas sa Dengue alert threshold ang syudad busa gihangyo ang kooperasyon sa katawhan sa kanunay pagbaton og kahinlo sa palibot ilabina sa mga posibleng itlogan sa lamok ug pagsunod sa 5 S batok dengue; Search and Destroy, Self-Protection, Seek Early Consultation, Support Fogging ug Sustain Hydration.
 
Kahinumdoman nga mismo si Mayor Klarex Uy ang nangulo sa Big Bang Dengue Awareness campaign niadtong Agosto 15 ning tuig. (ACM/CIO)
Published in News and Article
back to top