Kini ang tipik sa mensahe ni Mayor Rolando `Klarex’ Uy ngadto sa mga benepisyaryo atol sa pagpang-apod-apod sa titulo sa yuta ug entry pass nga gipahigayon sa city hall quadrangle Lunes, Agosto 22.

 

Matud sa mayor nga iyang paningkamutan uban sa iyang mga kauban sa city hall nga daghan pang pamilya nga walay kaugalingong balay ug walay igong panginabuhi ang mahatagan og desenteng pinuy-anan.

Kauban ni Mayor Klarex sa maong kalihokan si Konsehal Edgar Cabanlas, chairman sa committee on urban poor, Atty. Jeoffrey Namalata, acting head sa City Housing & Urban Development Department (CHUDD), ug City Legal Officer Atty. Kenneth Tamala.

 

 

Dugang 24 ka mga Sendong survivors nga nanimuyo karon sa SMC-GK Balubal sa syudad ang nakadawat og titulo sa yuta, diin sa kinatibuk-an mokabat na sa 350 ka mga molupyo sa maong relocation site ang nahatagan na sa titulo.

Samtang nahatagan usab og entry pass ang 106 ka benepisyaryo alang sa lot only units nga nahimutang sa Sitio Pamalihi Brgy. Pagatpat.

 

Sila ang mga pamilya nga naapektuhan sa redevelopment sa City Memorial Park sa Bolonsiri, Brgy. Camaman-an.

 

Nunot niini, mipaabot sa ilang dakong pasalamat kang Mayor Klarex ang mga benepisyaryo nga nahatagan na og katumanan ang ilang gihandom nga kasigurohan sa pagpuyo. (ALR/CIO/Photos by Jay Arancon/CIO)