MIDUYOG ang administrasyon ni Mayor Rolando ‘Klarex’ Uy pinaagi sa buhatan sa Community Improvement Division ubos sa pagpangulo ni Mr. Honorio Diputado Jr. sa ‘face-to-face’ nga kasaulogan sa ‘Cooperative Month’, Oktubre 1 ning tuig.

 

Ang opening salvo gipasiugdahan sa Regional Cooperative Development Council Region 10 pinaagi ni RCDC Chairperson Mansueto V. Dela Pena ug Cooperative Development Authority Region 10 Director Aminoden A. Elias, uban sa hugot nga suporta sa nagkadaiyang kooperatiba.

 

Atol sa maong kalihukan, miparada ang mokabat 79 ka mga kooperatiba sa rehiyon.

 

 

Lakip sa mitambong sa aktibidad ug nagpadayag sa iyang hugot nga suporta si City Councilor Imee Rose P. Moreno, chairperson sa Committee on Cooperatives sa 20th city council kinsa mao usab ang mirepresentar ni Mayor ‘Klarex’.

 

Sa laing bahin, niadtong Septiyembre 30 malampusong gipahigayon ang 24th Annual General Assembly sa Cooperative Development Council sa Cagayan de Oro sa usa ka hotel sa dakbayan nga gisalmotan sa 49 ka mga kooperatiba, diin napili usab ang mga bag-ong opisyales sa CDC-CDO.(AGP/CIO/Photos grabbed from City Councilor Imee Moreno FB page)