GITAPOS sa City Social Welfare and Development Psychosocial Division ang ‘Suicide Prevention Month’ pinaagi sa pagpasidungog sa mga mananaug sa online contests, Septiyembre 30, diha sa city hall mini park, ning siyudad.

Ang mga online contests gilangkoban sa spoken poetry, poster making, slogan making, vlog making ug rap/song making nga gisalmotan sa mga estudyante nag-edad og 10 hangtud 20 anyos, lakip young professionals nag-edad 21–30 anyos.

 

Ubos sa spoken poetry, naangkon ni Carolyn Manaay ang 1st place ug cash prize nga P3,500, 2nd place si Marrie Joy Hormiguera diin nakadawat og cash prize nga P2,000, samtang 3rd place si Jasmin Badaldiin kinsa nakadawat og cash prize nga P1,500.

 

Sa poster making, naangkon ni Jess Maglasang ang 1st place ug cash prize nga P2,000, 2nd place si Jeany Ablon diin nakadawat og cash prize nga P1,500 samtang 3rd place si Marjun Cortez diin nakadawat og cash prize nga P1,000.

Samtang sa rap/song making, naangkon ni Justine & Lorvie ang 1st place ug cash prize nga P2,500, 2nd place si Steve Butron diin nakadawat og cash prize nga P2,000 samtang 3rd place si Jan Gomera diin nakadawat og cash prize nga P1,000.

 

Ubos sa slogan making, naangkon ni Reyniel Borres ang 1st place ug cash prize nga P2,000, 2nd place si Mae Arestas diin nakadawat og cash prize nga P1,500 samtang 3rd place si Jayvie Obedencio diin nakadawat og cash prize nga P1,000.

 

Sa laing bahin, nag-inusara lamang ang midaug sa vlog making diin naangkon ni Angelbert Moreno ang 1st place ug cash prize nga balor og P3,500.

 

Gawas sa pasidungog, mihisgot si City Psychologist Jaymee Leonen sa topikong Suicide, ang pagtumbok sa indikasyon niini ug unsa'y mga pamaagi aron malikayan kini.

 

Mitambong sa kalihokan si CSWD Assistant Department Head Nida Paña.

 

 

Ning tuig, ang tema: 'Creating hope through action,' diin gidasig sa CSWD Psychosocial Division ang mga Kagay-anon nga maminaw ug mahimong 'sensitive' sa ilang isig ka tawo bisan pa man sa giatubang mga suliran isip tubag sa suicide prevention ug pag-atiman sa mental health. (NLB/CIO/photos by Rod Constantino/CIO)