MAS gipalambo pa sa administrasyon ni Mayor Rolando “Klarex” Uy ang programa sa edukasyon ning syudad pinaagi sa pagpatukod og dugang 50 ka classrooms, lakip 2 ka laboratories kansang disenyo mahimong tatak Klarex classrooms.

Kini ang tipik sa iyang mensahe sa 5,500 teaching and non-teaching personnel sa Department of Education-Division of Cagayan de Oro atol sa kasaulogan sa ‘Teachers’ Day’ celebration karong adlawa. Oktubre 5.

 

Lakip sa Klarex classrooms ang complete instructional facilities alang sa malangkubong kasinatian sa ilang pagtuon diin aduna na kini black and white boards with side storage, mounted projector nga adunay roll-up screen, sound system, desktop nga adunay mobile cabinet, 45 ka armchairs nga adunay mini-locker, lima ka armchairs for left-handed learners, aduna usab kini fire alarm system ug sprinkler sa matag classroom.

 

“I am committed not just to sustain the gains of the previous administration but also to improve on these gains and more so to pursue innovative practices and programs that will uplift the lives of our people, our learners and you, our teachers,” saysay ni Mayor Klarex.

 

Lakip sa gihatagan og pagtagad sa administrasyon ni Mayor Klarex ang hangyo sa mga magtutudlo ug ni Schools Division Superintendent Cherry Mae Limbaco-Reyes nga dugang watchmen sa nagkalain-laing tunghaan.

Samtang, gikalipay ug dako ang pasalamat sa mga magtutudlo sa gihatag sa lokal nga kagamhanan nga P3,150 city aid nga naglangkob sa City COLA (P1,500) ug Citizenship Development Program (P1,650). (ACM-CIO/Photo by Aicy Soriano-CMO)