Miduyog ang 174 ka Persons with Disabilities sa ikatulong general assembly sa mga PWDs nga gipahigayon sa LGU-CDO pinaagi sa City Social Welfare and Development (CSWD-PWD Section), Oktubre 23, diha sa Limketkai Atrium, ning siyudad.

 

Atol sa panagtigum, mipahigayon sa eleksyon alang sa CDOC PWD Council nga gipangulohan ni Department of Social and Welfare Development Department X Regional Director Ramil Jamen isip chairman ug City DILG Director Engr. Jane Javier Docallos isip co-chairman.

 

Ang mga miyembro mao sila si Monalisa Cainglet sa Human Resource and Management Office; Daylinda Chan sa City Legal Office; Alain Roy Romero sa Office of the Community Affairs ug Acting CSWD Officer Anecia Tongson.

 

Napili isip PWD council representatives sila si Rolando Domaolao gikan sa Blind Inc; Frecy Jane Corpuz gikan sa Blind Inc; Ken Libago gikan sa Lapasan PWD org ubos sa blind sub-sector samtang sa ortho sub-sector napili sila si Shirley Tabigne gikan sa Gusa PWD org; Mely Jacob gikan sa Lumbia PWD org ug Maricha Gentallan gikan sa Lapasan PWD org.

 

Ubos sa deaf sub-sector anaa sila si Hazel Bual gikan sa DAMOR; Ronald Malazarte gikan sa Deaf Massage ug Johaidee Balite sa Barangay Kauswagan PWD org samtang sa parent sub-sector anaa si Lorely Sabal alang sa Kabataan org; Vivian Ravina sa Barangay Puntod PWD org ug Joan Baja gikan sa MACVI Org.

 

Mipakita sa iyang hugot nga suporta si Committee on Social Services Chairperson City Councilor Girlie Balaba ug Vice Chairperson City Councilor Ian Mark Nacaya.

Ang maong kalihokan gipangulohan sa CSWD PWD Section. (NLB/CIO/photos courtesy of CSWD and Girlie Balaba-GB)