Nakabenepisyo ang 42 ka magtiayon sa libreng mass wedding kon 'Kasalan ng Bayan' nga gitanyag ni Mayor Klarex Uy diha sa barangay Tumpagon bag-ohay lamang.

 

Usa niini si Roy T. Orasan ug Micyl E. Puasan, kinsa 17 ka tuig na nga nag-ipon ug pinakadugay nga nag-uban tali sa mga magtiayon hinungdan nga sila gihatagan ni Mayor Klarex Uy og pahilapay nga balor og P5,000.

Gawas niini, ang matag magtiayon midawat usab sa libreng cake, lechon ug wine gikan ni Mayor Klarex Uy, lakip libreng grocery packs gikan ni Liga ng mga Barangay president Alam Lim ug 5-kilo nga bugas gikan ni City Councilor Roger Abaday.

 

 

Nagsilbing principal sponsors sila si City Councilor Ian Mark Nacaya, Roger Abaday, Atty. Jose Pepe Abbu Jr., Yvy Emano, Imee Moreno, Atty. Edgar Cabanlas, Jay Roa Pascual; Liga ng mga Barangay president Alam Lim ug Sangguniang Kabataan Federation President John Michael L. Seno.

 

Misaksi usab sa seremonyas sa kasal si City Administrator Atty. Roy Hilario P. Raagas ug Barangay Tumpagon Punong Barangay Cecilio Dagsaan.

Natapos ang kalihokan pinaagi sa paglagda ni Mayor Klarex sa marriage certificates ug pagpahulagway sa mga magtiayon sa libre nga photobooth.

 

Nahimong posible ang kalihokan ubos sa pagpaningkamot sa City Civil Registry ubos ni City Civil Registrar Evangeline Tapangan, uban sa Philippine Statistics Authority, City Mayor's Office, Community Improvement Division ug City Public Services Department.

 

Tinguha sa ‘Kasalan ng Bayan’ nga makasal ang mga magtiayon nga dugay nang nagpuyo-puyo apan wa'y igong tigum aron magminyo. Kini usa sa mga highlights sa ‘Klarex nga Serbisyo sa Baryo’ program ubos sa administrasyon ni Mayor Klarex Uy. (NLB/CIO/photos by Rod Constantino/CIO)