GARBO sa City Health Office ang paghakot og walo ka mga awards sa bag-ohay lang natapos nga Department of Health Harmonized Awarding sa rehiyon 10.

 

Nahimong ‘Best Performing Local Government Unit in the LGU Score Card Implementation’ ang City Health Office diha sa paghatag ug paghatud og serbisyo sa katawhan ilabina sa mga molupyo sa kabukiran.

 

Gold Awardee usab ang buhatan sa Population Testing Rate for 2021 sa National Tuberculosis Program (NTP) taliwala sa nasinating COVID 19 pandemic, samtang Gold Awardee gihapon ang Pagalungan Health Center TB DOTS, Tuburan ug Besigan Health Center sa Bacteriologically-confirmed Enrolment Rate alang sa tuig 2021 sa NTP.

 

Special awardee usab ang CDO Social Hygiene Clinic, samtang nakadawat usab og vaccination award ang syudad sa pagkab-ot sa target alang sa First Booster Dose Coverage human nakakuha og 36.31% o 50% sa target pinaagi usab sa kanunay nga paghangyo ni Mayor Rolando “Klarex” Uy sa kooperasyon sa katawhan.

 

Midawat usab og pasidungog ang usa sa mga personahi sa CHO nga si Rexonel Ranile alang sa NTP. (ACM-CIO/Photos CHO)