MOKABAT sa 1,220 ka Philhealth IDs ug MDRs (member’s data record) sa mga NHTS members sa Barangay Gusa ang gitunol sa Philippine Health Insurance Corporation Region 10 kauban si Mayor Rolando ‘Klarex’ Uy atol sa gipahigayon nga ‘Klarex nga Serbisyo sa Baryo’, Disyembre 10 ning tuig.

 

Ang pag-apod-apod sa Philhealth cards uban sa City Health Insurance Office usa lang sa mga serbisyo nga gidala atol sa ‘Klarex nga Serbisyo sa Baryo’ sa tinguha nga mapaduol ang gobyerno sa katawhan ug ang katawhan mapaduol sa gobyerno.

 

Muabot usab sa 67 ka mga katawhan sa barangay Gusa ang malampusong narehistro sa Philhealth, samtang 65 ang gipaubos sa profiling. (AGP/Photos by Rhoel Condeza/CIO)