Nagtapok ang mga batan-ong lideres sa syudad pinaagi sa ‘Barog Batan-on’, usa ka youth camp diha sa Gardens of Malasag, barangay Cugman ning siyudad nga gipasiugdahan bag-ohay lang sa Barangay Youth Empowerment Program ug Pag-asa Youth Association of the Philippines (PYAP) ug gisuportahan sa Education Development Center (EDC) ug USAID Opportunity 2.0.

 

Ang mga partisipante naglakip na sa mga miyembro sa Katipunan ng Kabataan (KK), out-of-school youth pinaagi sa PYAP ug KAYA NA Youth Organization.

 

Tinguha sa maong youth camp nga madasig ang kasibot ug interes sa mga youth leaders nga makiglambigit sa mga kalihukan sa ilang tagsa-tagsa ka komunidad.

 

Gihisgutan atol sa kalihukan ang mga topiko kalabot sa My piece of a puzzle: The Bridging Leadership Framework, Ownership, Co-ownership ug Co-creation, ug nagpahigayon usab og tree growing activity.

Mibisita sa youth camp si City Councilor Imee Moreno ug Sangguniang Kabataan Federation President John Michael Seno. (NLB/CIO/photos courtesy of OYDO, Councilor Moreno and SK Fed President Seno)