Pormal nga gi-turnover kagahapong adlawa, Disyembre 28 sa mga kadagkoan sa Department of Agriculture 10 ubos ni DA-10 regional director Carlene C. Collado ngadto sa LGU-CDO ang balor P1.1 milyones nga usa ka free range chicken multiplier farm nga nahimutang diha sa City Vet mini-stock farm sa barangay Balubal ning syudad.

 

Si City Administrator Roy Hilario Raagas, kinsa maoy representante ni Mayor Klarex Uy, kauban si City Veterinarian Dr. Perla Asis ug Kapitan Pablo Bactong sa Balubal, maoy midawat sa certificate of acceptance and commitment atol sa ceremonial turnover ceremony sa mga manok ug agricultural supplies.

 

Sa iyang mensahe, nagpasalamat si Atty. Raagas kang regional director Collado sa Dep’t of Agriculture sanglit ang chicken poultry house dakong tabang nga mosaka ang kinitaan sa mga mag-uuma ug mapalambo usab ang kahimtang sa ilang panginabuhian.

 

Nasayran nga dili momenos sa 350 ka free range nga mga manok ang ma-akomodar sa nahisgutang multiplier farm. (IAF/CIO/photos by Jun Ladao)