Kinse (15) ka mga indibidwal ang giatiman sa Oro Response and Processing Section (ORPS) sa City Social Welfare and Development (CSWD) atol sa reach-out operation sugod niadtong Disyembre 24 hangtud Enero 2.

 

Ang mga na-reach out gilangkoban sa unom ka Children in Street Situation (CiSS), upat ka homeless individual, duha ka mendicants kon makililimos, duha ka mentally challenged, ug aduna'y usa ka repeatedly rescued.

Pito sa mga kliyente ang nakauli na sa ilang tagsa-tagsa ka pamilya samtang ang walo nagpabilin pa sa ORPS alang sa dugang intervention.

 

Gikalipay ni ORPS Head Norhidaya Hadji Sarip, RSW nga mikunhod ang numero sa mga kliyente human sa 24/7 reach-out operation.

 

Kahinumduman nga hugot ang panawagan sa ORPS nga gidili ang paghatag og limos diha sa kadalanan panahon sa kapaskuhan ug sa adlaw-adlaw nunot sa gisunod nga #MagbigaySaTamangParaanHuwagSaDaan advocacy.

Gani, giawhag ang katawhan sa pagtaho kung adunay makitang magpakilimos sa kadalanan pinaagi sa pag-message niini nga mga numero:

 

Alang sa daytime, mahimong i-kontak ang 0955-115-6600 ug 0975-044-6176, samtang alang sa night time ang 0910-750-4957 / 0995-004-9618/ 0970-920-5882 ug 0946-368-6648.

 

Pwede usab mag-message sa Oro City Social Welfare and Development FB page o kaha sa pinakaduol nga police station.(NLB/CIO/Infographic by Jhon Carl Balanza/CIO)