Naangkon sa Police Station 5 Macabalan ang '3-stars excellent performance award’, plaque of recognition ug cash prize nga P20,000 atol sa ‘Pasundayag: Araw ng Parangal’, Pebrero 11, diin gipasidunggan ang mga mananaug sa ‘Search for Most Child-Friendly Barangay and Police Station’ diha sa Ayala Centrio Mall ning siyudad.

 

Samtang ang Police Station 6 Puerto, Police Station 10 Cugman, Police Station 9 Nazareth, ug Police Station 1 Divisoria ang misakmit sa '2-stars satisfactory performance award,' plaque of recognition ug cash prize nga P5,000; ug ang Police Station 7 Bulua, Police Station 4 Carmen, Police Station 8 Lumbia ug Police Station 3 Agora ang misakmit sa '1-star good performance' nga nakadawat.

 

Gipasidunggan usab isip ‘Best Record Documentation Keeping and Documentation’ ug ‘Best Monitoring and Evaluation’ ang Police Station 5 Macabalan; ‘Best Child-Friendly Initiatives’ ang Police Station 6 Puerto; ‘Best Child-Friendly Space’ ang Police Station 1 Divisoria; ‘Best Information and Advocacy Materials’ ang Police Sation 9 Nazareth ug ‘Best in Community Engagement’ ang Police Station 8 Lumbia.

 

Individual awards usab ang nadawat ni PMAJ. Mario N. Mantala Jr. sa Police Station 4 Carmen isip ‘Outstanding Station Commander’, samtang ‘Outstanding Women and Child Desk Protection Officer’ si PSSg. Rose A. Pulmones sa Police Station 1 Divisoria.

 

Hugot nga suporta ang nabati sa mga barangay ug police stations atol sa kalihokan pinaagi sa pagtambong nila ni City Councilor Girlie Balaba kinsa mao'y Co-Chairperson sa City Council for the Protection of Children, SK Federation President John Michael Seno; City Social Welfare and Development Department (CSWD) Officer Anecia Tongson, CSWD Assistant Department Head Nida Paña, DILG City Director Engr. Jane Docallos, mga personahe sa Oro Youth Development Office pinangunahan ni Officer-in-Charge LordSaver Centina.

 

Cagayan de Oro City Police City Director PCOL Aaron Mandia, City Administrator Atty. Roy Hilario Raagas, Vice Chair of the City Council for the Protection of Children Jonah Domingo, lakip na ang nagkadaiyang partner agencies nga gilangkoban sa nagkadaiyang buhatan sa LGU-CDO, national government agencies, non-government organizations, private institutions ug uban pa.

 

Ang ‘Search for Most Child-Friendly Barangay’ inisyatiba sa City Social Welfare and Development Department ug City Council for the Protection of Children, samtang ang ‘Search for Most Child-Friendly Police Station’ inisyatiba sa Oro Youth Development Office. (NLB/CIO/photos by Kim Zaldivar/CIO)