AGI’G pagsaulog sa ‘World Water Day’, misalmot ang kagamhanang lokal ning syudad pinaagi sa City Local Environment and Natural Resources Office (Clenro) sa gipahigayong tree-growing kilid sa suba duol sa Balulang-Macasandig bridge adlaw’ng Miyerkules, Marso 22.
Ang ‘World Water Day’ gisaulog matag Marso 22 sa tinguha nga mapaabot ug mapasabot sa katawhan ang kamahinungdanon sa freshwater ug padayong pag-awhag sa sustainable management sa freshwater resources.
Lakip sa misalmot sa tree-growing ang mga personahe sa Department of Environment and Natural Resources (DENR), ubang government ug non-government agencies ug mga estudyante sa Pedro Oloy Roa National High School. (ACM/Photos by KIM ZALDIVAR/CIO)