SUGDAN na karong semanaha ang pagpatuman sa ‘street sweeper’ aron masiguro nga hinlo gayud ang syudad human sa pagkolekta sa basura sa bag-ong garbage collector.

 

Matud ni Mayor Rolando “Klarex” Uy atol sa programang “Inyong Alagad, Mayor Klarex Uy”, iyang gihangyo ang katawhan nga tabangan ang Jomara/Tinsel contractor ug gipasabot niini nga hinay-hinay na makita ang kahinlo sa syudad.

 

Gibutyag usab ni Engr. Armen Cuenca, hepe sa City Local Environment and Natural Resources Office (Clenro), nga giplastar na sa syudad ingon man sa bag-ong kontraktor ang pagpagawas og schedule sa garbage collection nga ipatuman sa dili madugay.

 

Subay niini, malaumon si Mayor Klarex nga mahatagan na og kasulbaran ang problema sa solid waste management sa Cagayan de Oro. (ACM/CIO)