GIBUKSAN sa City Nutrition Committee (CNC)-Cagayan de Oro pinaagi sa kick-off activity ang ika-49th Nutrition Month celebration, uban sa temang, "Healthy Diet Gawing Affordable for All", Hulyo 4, ning tuig.

 

Kini gisugdan sa usa ka motorkada ug gisundan sa hamubo nga programa diha sa City Tourism Hall, diin gi-unveil sa mga miyembro sa CNC ang tema ning tuig, lakip ang paglusad sa nutrition month dance contest ug Barangay Nutrition Committee garden contest.

 

Ang kalihokan gitambongan ni City Administrator Atty. Roy Hilario Raagas, kinsa mao'y mirepresentar ni Mayor Klarex Uy; City Health Officer Dr. Rachel Daba-Dilla; Committee on Health Chairperson City Councilor Dra. Malou Gaane; City Nutrition Action Officer Nenita F. Rabe, RND; DILG X Local Government Operations Officer V Jeffrey Romeo Q. Caangay; mga Barangay Nutrition Committees; ug mga miyembro sa City Nutrition Committee.

 

Alang sa dugang kasayuran sa mga kalihokan nunot sa Nutrition Month, mahimong i-follow sa CNC FB page: City Nutrition Committee (CNC)-Cagayan de Oro. (NLB/CIO/Photos by Reynan Baylin and Kim Zaldivar)