Sa tuyo nga mahatagan og kasegurohan ang pagpanag-iya sa gitarokan nga mga pampublikong tunghaan, gitunol ni Mayor Rolando ‘Klarex’ Uy ang titulo sa yuta alang sa tulo ka mga tunghaan sa sekondarya ning syudad.

Ang mga titulo gitunol ni Mayor Klarex ngadto sa mga schools heads sa Cugman National High School, Baikingon National High School ug Pagalungan National High School atol sa flagraising ceremony Lunes sa buntag, Hulyo 3 sa city hall.

Lakip sa misaksi sa turnover ceremony mao sila si City Schools Division Superintendent Dr. Angelo Gazo; Dr. Alicia Anghay, Focal Person on Education sa Local School Board, ug City Legal Officer Atty. Kenneth Tamala. (CIO)