Nunot sa mga kalambuan ug pagpaanyag nga gipatuman sa syudad ubos sa administrasyon ni Mayor Rolando `Klarex’ Uy diha sa Magsaysay Park alayon sa bag-ohay lang natukod nga OKK building, gihinabi sa grupo sa Project Lunhaw ang mga parking boy uban ang ilang mga pamilya kalabot sa pagpahawa kanila sa maong lugar.

 

Matud ni Patrick Gabutina sa Project Lunhaw nga did-an na ang mga parking boy ug ang ilang pamilya nga magpabilin sa maong dapit apan pangitaan sila og lugar nga ilang kabalhinan aron makapadayon sila sa ilang panginabuhi.

Nasayran nga halos anaa na sa Magsaysay Park nagpuyo ang mga parking boy uban ang ilang pamilya nunot usab sa ilang panginabuhi.

 

Hinuon, nasabtan kini sa maong mga tawo ilabina nga alang man sa kalambuan sa syudad ug pagpaanyag sa maong lugar.

“Magsinabtanay ug magtinabangay ta para sa kalambuan sa atong beloved city,” dugang ni Gabutina. (ALR/CIO/Photos from Project Lunhaw)