Mahatagan na sa kasayon ug kaarangan ang mga residente dakbayan sa Cagayan de Oro nga libreng maka-internet sa dili madugay.

 

Kini human pormal nang gilusad ni Mayor Rolando ‘Klarex’ Uy ug mga kadagkoan sa PLDT-Smart ang RISECDO public wifi project atol sa flagraising ceremony sa city hall, Lunes sa buntag, Hulyo 3.

 

Kahinumduman nga nahimong pilot test area ang barangay Carmen sa maong proyekto, ug nagpadayon karon ang pag-instalar sa libreng internet connection diha sa pipila ka kabarangayan ug mga pampublikong lugar sa dakbayan sa Cagayan de Oro.

 

Ang ceremonial acceptance sa proyekto gipangulohan ni Mayor Klarex Uy; Ms. Judee Chaves, ang PLDT-Smart Mindanao Relations Head; Mr. Khass Navales, ang Senior Relations Manager sa PLDT Enterprise Mindanao, ug gisaksihan sa mga sakop sa konseho ning syudad. (CIO)