Moabot sa 217 ka mga school heads, lakip mga focal persons for mental health ug school governing councils ning siyudad ang mipailawom sa training kalabot sa Mental Health Awareness, Early Detection and Emergency Intervention, Hulyo 27, diha sa City Tourism Hall.

 

Atol sa training, gihisgutan ni City Psychologist Jaymee Leonen-Pagaspas ug City Social Welfare and Development (CSWD) Department Psychosocial Division Attending Psychometrician Christie Napieres ang kalabot sa Mental Health and Common Health Conditions among Children: Signs and Symptoms, possible prevention programs ug uban pa.

 

Ang maong training gitambongan ni Focal Person for Education Dr. Alicia Anghay, Assistant Division Schools Superintendent Audie Borres, CSWD Assistant Department Head Nida Paña ug uban pa.

 

Sumala ni Pagaspas, ang training usa sa mga lakang aron mapasabot nga ang mental health usa ka 'shared responsibility' tali sa mga estudyante, magtutudlo, ginikanan ug komunidad.

 

Kini kabahin sa pag-implementar sa City Ordinance No. 14297-2022 kon "Mental Health Code of the City of Cagayan de Oro." (NLB/CIO/photos by Roel Felicitas/CIO)