MAPASIGARBOHON ug malipayong gidapit ni Mayor Rolando “Klarex” Uy ang katawhan lakip mga bisita ning syudad sa pagsaksi sa paglusad sa Higalaay Festival karong Agosto 1, 2023 sa alas 5:00 sa hapon nga ipahigayon sa CDO River Boulevard.

 

 

Kini pangulohan mismo ni Mayor Klarex Uy kauban ang mga konsehales sa syudad sa pagpanguna ni Vice Mayor Jocelyn “Bebot” Rodriguez ug mga kadagkoan sa City Hall.

 

Masaksihan sa katawhan ang nagkalain-laing pasundayag isip kabahin sa usa ka bulan nga kasaulogan sa Higalaay Festival agig pasidungog sa patron sa Cagayan de Oro nga si Sr. San Agustin.

 

Mopasundayag usab ang sikat nga banda nga JAYSON In Town, ug masaksihan sa katawhan ang fireworks display.

 

Subay niini, giaghat ang katawhan sa pagsaksi sa pinakabongga nga Higalaay Festival launching karong tuiga. (CIO)