DAKO ang pagdayeg ug pasalamat sa Department of Education - Division of Cagayan de Oro lakip ang DepEd regional office tungod sa hugot nga suporta ni Mayor Rolando “Klarex” Uy sa natad sa edukasyon ug sa bag-ohay lamang natapos nga National School Press Conference ug National Festival of Talents dinhi sa syudad.

 

Gipresentar sa DepEd Community pinaagi ni Schools Division Superintendent Dr. Roy Angelo Gazo ug Asst Schools Division Superintendent Dr. Audie Borres ang Normin Star Award kang Mayor Klarex atol sa pinakaulahing Local School Board meeting diin gidawat ni Dr. Alicia Anghay, focal person on education ubos sa administrasyon ni Mayor Klarex ang maong award.

 

Kahinumdoman nga malampuson ug malinawong natigayon ang duha ka mga dagkong kalihukan sa nasud sa natad sa edukasyon nga gitambongan sa dili momenus 5,000 ka mga delegado diin ang Cagayan de Oro maoy napiling host city. (ACM/Photo by JAY ARANCON/CIO)