Nagpadala gilayon og hinabang ang LGU-CDO ubos ni Mayor Klarex Uy alang sa 23 ka pamilya nga nasunogan sa barangay Tablon karong adlawa, Agosto 21 diha sa barangay Tablon Gymnasium diin nagsilbing evacuation center.

Mitunol ang City Social Welfare and Development (CSWD) Department ubos ni CSWD Officer Anecia Tongson og food items sama sa 10-kilo rice, canned goods, cereals ug non-food items sama sa balde nga aduna'y sulod toiletries, sleeping kits ug tsinelas alang sa mga biktima.

 

Nasayrang mag-instalar usab ang CSWD og collapsible tents aron katulgan sa mga pamilya nga nasunogan sulod sa evacuation center.

 

Samtang, magpahigayun usab sa community kitchen ang mga personahe sa barangay Tablon pinangunahan ni Punong Barangay Billy Kid Auza aron mas sayon ug paspas ang pag-andam sa mga pagkaon.

Gilauman nga makadawat usab ang mga biktima sa sunog og laing relief goods gikan sa pamilya ni Mayor Klarex Uy. (NLB/CIO/photos courtesy of CSWD)